منشورات للفيس بوك | بوستات للفيس بوك

 النهارده شعرى شاب

خالد شافعى

بس قلبى عاد شباب
لما شفت البرلمان
لحية ظاهرة والحجاب

النهارده عندى عيد
حلم كان ف البال بعيد
شىء يفوق المستحيل
قلبى طار فوق السحاب

مش مصدق إنه عاش
قلبى أمله ما انتهاش
مش مصدق إنه شاف
نور شريعته اللى غاب

النهارده ف بالى ناس
كانوا هما فى الأساس
عاشوا لاجل الحلم لكن
ماتوا من كتر العذاب

من حق كل المظلومين
وكل واحد عاش سجين
يحس إن اليوم دا عيد
وإنه للحرية باب
 

كلمات : خالد الشافعى

 الزي أسمر داكن

والقلب طاقة نور
ستات صحيح لكن
كانوا رجال النور

ستاتنا كانوا جنود
للنصر كتبوا عهود
على بكرة كانوا شهود
ولعبوا أكبر دور

الزي الأسمر جلال
الزي الأسمر جمال
الزي الأسمر عفاف
الزي أثبت حضور

الزي الأسمر خطير
والقلب ملهم بصير
شكراً لدوركوا الكبير
نصرتوا حزب النور

بنات النور مش ضحية
بنات النور مش هفية
بنات النور دول علامة
قاموا يحموا الثغور

سيد بلال 

سيد بلال

عام بالتمام والكمال
من يوم وفاة سيد بلال
واحد من شراراتك يا ثورة
  ودعوه بتهد الجبال

تحت كرباج الطغاة
لمصر موته كان حياة
فت ف عروش الجبابرة
لف حواليه الحبال

سيد بلال جايز
عند ربه يبقى فايز
مات يدافع عن مبادىء
لأجل ما يرضى الاله

سيد بلال م الضرب مات
سيد بلال رمز الثبات
عمره مقبلش السكات
مات بينده ع الحياه