القصه مش حازم
القصه مش حازم |
حازم ماهوش غاز
بتحلم به نجوع
ومش لقمة عيش
لناس غلبها الجوع
ومش فرصة عمل
حازم بيدينا الأمل
حازم شايل الراية
وبيمثل المشروع
حازم بيمثل الفكرة الوحيدة الصالحة
الفكرة الوحيدة القديمة الصابحة
حازم بيمثل الشجرة الوحيدة
اللى كانت فى يوم طارحة فروع
وما تقولش طب والغرب
دا ممكن يخشوا ف حرب
دا ممكن يحاربونا فى قوت الناس
هقولك طظ نعيش أحرار نموت م الجوع
حازم ماهوش حازم دا بالنسبة لنا
ولا الموضوع خالص كده ف بالنا
حازم بيمثل الفكرة الوحيده اللى ممكن
تخلى صوت الوطن تانى يكون مسموع
حازم بيمثل الأمة اللى عاوزة تقوم
ودا شىء بيرعب ف اى خصوم
خصوم عاوزانا فى توهة ندوم
وراسنا مايكونش تانى ف يوم مرفوع
كلمات /خالد شافعى
كلمات اسمى الامام حازم
اسمى الامام حازم والنيه فيها صلاح
ماشيين وراك لازم يا رياد الاصلاح
مستسلمين ومسلمين واحنا معاك مطمنين
لا تقولى مين فى الدنيا يكره اللى يعادى دين
وراك يا امام ريحنا بالاسلام
صوت الاذان ما حلاه يا دنيا ادان
منين هيجى الخوف لو عيشنا بالمعروف
لو كل حق يروح لصاحبه ايا كان
ليه تخاف من اخوك ...صدقنى دول خدعوك .
.لو كانو بيحبوك ..كانو عملو حاجه زمان